Eolas faoin Tionscadal

Cad atá déanta againn roimhe seo?

Choimisiúnaigh agus chríochnaigh an OOP, agus í ag obair i gcomhpháirtíocht le Comhairle Cathrach na Gaillimhe (CCG) agus le hÚdaráis Áitiúla eile, Staidéar Measúnaithe agus Bainistíochta Riosca i gCás Tuilte Dobharcheantair (CFRAM) an Iarthair.
Ba iad cuspóirí an Staidéir CFRAM:

• An ghuais tuile atá ann agus a d’fhéadfadh a bheith ann amach anseo laistigh den limistéar staidéir CFRAM a shainaithint agus a mhapáil
• An riosca tuile atá ann agus a d’fhéadfadh a bheith ann amach anseo laistigh de limistéar staidéir CFRAM a mheas agus a mhapáil
• Roghanna agus bearta inmharthana struchtúrtha agus neamhstruchtúrtha a aithint chun riosca tuile a bhainistiú go héifeachtach agus go hinbhuanaithe sna Limistéir ina bhfuil Tuilleadh Measúnaithe ag teastáil ina leith (LMBanna) agus laistigh den Limistéar Staidéar CFRAM ina iomláine
• Sraith Pleananna Bainistíochta Riosca Tuile (PBRTanna) don Limistéar Staidéar CFRAM a ullmhú, chomh maith le Measúnacht Straitéiseach Timpeallachta lena mbaineann agus Measúnacht Chuí na Treorach um Ghnáthóga, de réir mar is gá, ina leagtar amach na beartais, straitéisí, bearta agus gníomhartha ar cheart do na comhlachtaí ábhartha a leanúint, lena n-áirítear OOP, Údaráis Áitiúla agus Páirtithe Leasmhara eile, chun an bainistíocht is éifeachtúla ó thaobh costais de agus is inbhuanaithe ar an riosca tuile reatha agus ar an riosca tuile a fhéadfaidh a bheith ann amach anseo sa Limistéar Staidéir a bhaint amach, agus mar chuid de sin, pleananna, cuspóirí agus riachtanais reachtaíochta agus pleananna agus riachtanais reachtúla eile a chur san áireamh.

Áiríodh Cathair na Gaillimhe i Limistéar Staidéar CFRAM an Iarthair mar Limistéar um Measúnú Breise (LMB) agus cinneadh go mbeadh scéim faoisimh tuilte inmharthana agus go mbeadh éifeacht ag baint leis ar mhaithe leis an bpobal. Féadtar achoimre a dhéanamh ar rogha na Scéime inmharthana do Chathair na Gaillimhe, mar a shainaithnítear í ar leibhéal measúnaithe CFRAM:

• “Is réiteach srianta tuile le haghaidh cosaint ar thuilte iad oibreacha faoisimh tuile a d’fhéadfadh a bheith inmharthana”
• Mar a dhéantar cur síos air sa CFRAM, is éard a bheadh i gceist leis sin oibreacha cosanta ar thuilte a shuiteáil chun cosaint a dhéanamh ar thuile i gcás imeacht Dóchúlacht Bhliantúil Sáraithe (DBS) 1% agus i gcás imeacht DBS 0.5%. Ar chúiseanna sláinte agus sábháilteachta, beidh íosairde na mballaí a mholtar 1.2m ar airde. Áirítear leis sin lamháltas saorbhoird de 0.3 méadar agus cuireann sé cosaint ar fáil freisin ar an gcás reatha DBS 0.1% agus, in aon áit ar bith, ar an gCás Meánraoin DBS don Todhchaí 0.5%. Cuimsítear sa Rogha a chuirtear i láthair i CFRAMS an Iarthair oibreacha cosanta ar thuile a shíneadh na dugaí feadh An Balla Fada, An Póirse Caoch, ceantair an Chladaigh, Bóthar Grattan agus Bóthar an Athar Uí Ghríofa.  Áireofaí sna hoibreacha a ndéantar cur síos orthu freisin oibreacha cosanta ar thuilte feadh Bháisín an Chladaigh agus Ché Nimmo agus tabharfar le chéile sa ríocht phoiblí iad ar Bhóthar na gCeannaithe an agus ag an bPóirse Caoch.
• Tá oibreacha cosanta ar thuilte le soláthar freisin ar an gcuid íochtarach de Chanáil Eglington taobh thiar de Shráid Dhoiminic agus cuimseofar cosaintí ar líne theorann réadmhaoine feadh Ardán na bhFiach agus ar Bhóthar na Trá Uachtarach agus Íochtarach. 

Is é cuspóir an tionscadail Coirib go Cósta ná Scéim um Fhaoiseamh Tuile a dhearadh agus a chur isteach (le haghaidh cead pleanála) atá inghlactha ó thaobh cúrsaí teicniúla, sóisialta, comhshaoil, cuma agus geilleagair de, chun an riosca tuile atá roimh Phobal Chathair na Gaillimhe a mhaolú chun go mbeidh an riosca sin ar Chaighdeán Cosanta réamhshocraithe agus tógáil na Scéime ina dhiaidh sin. 
Tá gach tuarascáil Staidéar CFRAM ábhartha ar fáil, mar eolas, ar an mír foilseachán ar www.floodinfo.ie  (https://www.floodinfo.ie/publications/?)